Хууль, шийдвэрийн төсөл боловсруулах явцад иргэдтэй зөвлөлдөх нээлттэй хэлэлцүүлэг зохион байгуулах зорилгоор байгуулагдсан “Иргэний Танхим” нь 2009 оны 12 дугаар сарын 15-ны өдөр нээлтээ хийсэн билээ.
Анхны хэлэлцүүлэгийн товыг “Хэвлэлийн эрх чөлөөний тухай” хуулийн төслөөр 2009 оны 12 дугаар сарын 17-ны өдрөөс эхлэн зарлаад байгаа юм.
Иргэдийн байр суурийг уг хуулийн төсөл санаачлагчдад хүргэх зорилгоор 2010 оны нэгдүгээр сарын 12-ны Мягмар гаригийн 10 цагт Төрийн ордонд байрлах Иргэний Танхимд нээлттэй хэлэлцүүлэг зохион байгуулах гэж байна. Уг хуулийн төслийн талаарх нээлттэй сонсголд биечлэн оролцохыг хүссэн иргэдийг 2010 оны нэгдүгээр сарын 06-ны өдрийн 9.00-18.00 цагийн хооронд зөвхөн ажлын нэг өдрийн турш Иргэний Танхимын утас, факс, электрон шуудангаар бүртгэх бөгөөд дээрх хуулийн төсөлд бичгээр ирүүлэх саналыг 2010 оны нэгдүгээр сарын 11-ний өдрийг дуустал авах юм.
Иргэний танхимын хаяг:
-Утас: 263489, 99098090
-Факс: 263486
Электрон шуудан: irgen@president.mn
