Монгол Улсын Ерөнхийлөгчийн дэргэдэх Иргэний Танхимын анхны хэлэлцүүлэг “Хэвлэлийн эрх чөлөөний тухай хуулийн төсөл”-ийн хүрээнд амжилттай болж өндөрлөлөө.
Тус хэлэлцүүлэгт нийт 79 иргэн бүртгүүлсэнээс үдээс өмнөх хэлэлцүүлэгт 33, үдээс хойшхи хэлэлцүүлэгт 20, нийт 53 иргэн өөрийн биеэр үг хэлж саналаа илэрхийллээ.
Иргэдийн дэвшүүлсэн санал хүсэлтийг хуулийн төсөл боловсруулах ажлын хэсэг 14 хоногийн дотор боловсруулж Ерөнхийлөгчид хүргүүлэх бөгөөд иргэдийн санал санаачлага төсөлд хэрхэн тусгагдсан талаар Монгол Улсын Ерөнхийлөгчийн албан ёсны вэбсайтаар олон нийтэд мэдээллэх юм.
