Монгол Улсын Ерөнхийлөгчийн 2013-2017 онд хэрэгжүүлэх бодлого, үйл ажиллагааны хөтөлбөр хүрээнд Төрийн тэргүүнээс санаачилсан "Ардын элч" хөтөлбөр боловсруулах ажлын хэсгийн хоёрдахь удаагийн хурал 2013 оны 12 дугаар сарын 23-нд болов.
Иргэдийн сайн санааны болон бусдад туслах санаачилгыг дэмжих зорилгоор "Ардын элч" хөтөлбөрийг хэрэгжүүлэх бөгөөд Ерөнхийлөгчийн зөвлөх А.Ганбаатар ажлын хэсгийг ахлах юм. Сайн санааны ажлыг зохион байгуулах чиглэлээр олон улсын чиг хандлага, үзэл баримтлалыг судлан дадаж мэргэшсэн гишүүдээс бүрдсэн баг хөтөлбөрийн төслийг боловсруулж байна.
