Монгол Улсын Үндэсний аюулгүй байдлын зөвлөлийн Нарийн бичгийн дарга Ц.Энхтүвшин Японы Үндэсний аюулгүй байдлын зөвлөлийн Нарийн бичгийн дарга Шотаро Ячитай энэ сарын 25-ны өдөр Токио хотноо уулзав.
Уулзалтын үеэр хоёр орны ҮАБЗ-ийн хооронд холбоо тогтоон хамтран ажиллахаар тохиров. Япон Улсын Засгийн газар 2013 оны арваннэгдүгээр сард үндэсний аюулгүй байдлын бодлогыг нэгтгэн удирдах Үндэсний аюулгүй байдлын зөвлөлийг байгуулсан бөгөөд манай улстай аюулгүй байдлын чиглэлээр хамтарч ажиллахаар болсон нь хоёр улсын харилцаанд чухал ач холбогдолтой үйл явдал боллоо.
