Шүүхийн Ерөнхий зөвлөлөөс Шүүхийн тухай хуулийн 32 дугаар зүйлийн 32.4, 32.6 дахь хэсэгт заасныг үндэслэн, Банзрагчийн Дашдондовыг Архангай аймгийн шүүхийн шүүгч, Ерөнхий шүүгчийн, Одцэрэнгийн Однямааг Говьсүмбэр аймаг дахь сум дундын шүүхийн шүүгч, Ерөнхий шүүгчийн албан тушаалд тус тус томилуулах, мөн Ёндонгийн Цогтзанданг Нийслэлийн Хан-Уул дүүргийн шүүхийн Ерөнхий шүүгчийн албан тушаалд улируулан томилуулахаар өргөн мэдүүлжээ.
Түүнчлэн, Шүүхийн тухай хуулийн 31 дүгээр зүйлийн 31.1 дэх хэсэгт заасныг үндэслэн Очирбатын Чулуунцэцэгийг Дархан-Уул аймгийн шүүхийн шүүгчийн, Цэвэгийн Ганхуяг, Үржинбадамын Одгэрэл нарыг Дорнод аймгийн Хэрлэн сумын шүүхийн шүүгчийн, Бадамрагчаагийн Батболорыг Нийслэлийн Багануур дүүргийн шүүхийн шүүгчийн албан тушаалд тус тус томилуулах саналыг Монгол Улсын Ерөнхийлөгчид өргөн мэдүүлснийг ЕТГ судалж байна.
