Эрхэмсэг ноён Ерөнхийлөгч Элбэгдорж,
УИХ-ын эрхэм гишүүд,
Хүндэт зочидоо,
Хадагтай, Ноёдоо
“Иргэний Танхим”ын нээлтэд Азийн санг төлөөлж үг хэлэх завшаан олдсоныг би нэр төрийн хэрэг гэж үзэж байна.
Монгол Улс ардчилалын 20 жилийн ойгоо тэмдэглэж байгаа энэ цаг үед шийдвэр гаргах болон бодлого боловсруулах түвшинд иргэдийн оролцоог хангах энэхүү “Иргэний танхим”-ыг нээж байгаа үйл явдал нь цаг үеэ олсон нэн чухал үйл явдал гэж үзэж байна.
Ерөнхийлөгч Элбэгдоржийн санаачлагаар өнгөрсөн 8 дугаар сард үүсгэн байгуулагдсан “Иргэний танхим” нь олон нийтэд бодлого боловсруулах, хуулийн төслүүдэд санал бодлоо илэрхийлэх боломж олгож байгаагаараа Ерөнхийлөгчийн аппаратаас, Ерөнхийлөгчөөс гаргах хууль тогтоомжийг ил тод, тодорхой хариуцлагатай болон нээлтэй байлгахад илүү дөхөм үзүүлж томоохон хувь нэмэр оруулна гэж үзэж байна.
Монгол Улс шударга ёс, хариуцлагатай байдал, сайн сайнхы төлөө авч хэрэгжүүлж байгаа үйл ажиллагаа, гаргаж байгаа хүчин чармайлт нь түнш байж ирсэнийхээ хувьд Азийн сангаас Иргэний танхимыг байгуулж улмаар Монгол Улсад сайн засагллыг бэхжүүлэхэд багахан ч болов хувь нэмэр оруулж байгаадаа баяртай байна.
Азийн сангаас Монгол Улсад хэрэгжүүлж байгаа төсөл хөтөлбөрүүд нь Монгол Улсад Ардчилсан нийгмийн болон эдийн засгийн шинэчлэл хэрэгжүүлэх Монгол Улс өөрийн урт хугацааны хөгжлийн зорилтуудаа амжилттай хэрэгжүүлэх шаардлагатай нөөц бололцоог бүрдүүлэхэд төрийн болон хувийн хэвшлийн байгууллагуудыг дэмжих зорилгоор ажиллаж ирлээ. Монголд хэрэгжүүлж байгаа томоохон төслүүдээс нэрлэвэл Авлигын эсрэг хөтөлбөр, хүний наймаа болон гэр бүлийн хүчирхийллийг зогсоох, байгаль орчинд ээлтэй тогтвортой хөгжлийг хангах төслүүдийг хэрэгжүүлэх бөгөөд номын хандив хөтөлбрийг хэрэгжүүлж байгаа билээ. Монгол Улсад Ардчилал сайн засаглал иргэдийн оролцоог төлөвшүүлэхэд томоохон хувь нэмэр оруулах энэхүү чухал арга хэмжээний нээлтэнд оролцож байгаадаа таатай байна.
Та бүхэн анхаарлаа хандуулсанд баярлалаа.
