Өнөөдөр Монгол Улсын Ерөнхийлөгчийн Тамгын газрын дарга Д.Дорлигжав Канад Улсын Ванкувер хотноо зохиогдох Өвлийн 21-р олимпийн наадамд оролцох Монголын баг тамирчдад Төрийн далбаа гардуулж амжилт хүслээ.
Тус арга хэмжээний үеэр МҮОХ-ны Ерөнхийлөгч Д.Загдсүрэн, БТСГ-ын дарга Ч.Наранбаатар, дэд дарга Д.Сүрэнхорлоо нар баг тамирчиддаа хандаж мөн амжилт хүссэн юм.
Монгол Улс анх 1964 оноос эхлэн Австрийн Инсбург хотноо болсон өвлийн олимпт оролцож эхэлсэн бөгөөд энэ удаагийн наадамд Олон улсын хэмжээний мастер Х.Хаш-Эрдэнэ гүйлтийн цанын 15 км-ийн төрөлд, Олон улсын хэмжээний мастер Э.Очирсүрэн гүйлтийн цанын 10км-ийн зайд тус тус өрсөлдөх юм.
