Цаазаар авах ялын эсрэг дэлхийн 4 дүгээр конгрессийн нээлтийн өмнөх өдөр Италийн Элчин сайд Монголын төлөөлөгчдийг хүлээн авч уулзан Монгол Улсад зарлаад буй тус ялын эсрэг хоригийг дэмжиж буйгаа илэрхийлэн цаашид тус ялыг бүрэн халахад идэвхитэй хамтран ажиллахаа илэрхийлсэн байна.
Тус конгрессийн салбар хуралдаанууд дээр цаазаар авах ялын эсрэг тууштай тэмцэж буй орнууд, түүн дотор Монгол Улсын байр суурийг дэмжиж буйгаа төлөөлөгчид олонтаа дурьдаж байсан бөгөөд түр хориг зарлаад байгаа Монгол Улсын байдал, цаашид цаазаар авах ялыг хэрхэн бүрмөсөн халах гэж байгаа талаар асууж тодруулж байв.
Мөн хуралдааны хоёр дахь өдөр буюу 2010 оны 2 дугаар сарын 25-нд Цаазаар авах ялын эсрэг европийн олон улсын институтын захирал профессор Луис Арроёо Запатерогийн урилгаар Монголын талын төлөөлөгчид салбар хуралд өөрийн орны нөхцөл байдлын талаар танилцуулга хийж Франц, Испани зэрэг улсуудын төлөөлөгчидтэй туршлага солилцох уулзатуудад оролцох юм.
