Ерөнхийлөгчийн Тамгын газрын дэргэдэх “Иргэний танхим”-д өнөөдөр “Эрүүгийн хуульд нэмэлт өөрчлөлт оруулах тухай” хуулийн төслийн нээлттэй хэлэлцүүлгийн хуралдаан боллоо. Хуульч, шүүгч, хүний эрхийн байгууллага, иргэдийн төлөөлөл бүхий 129 иргэн бүртгүүлснээс хуралдаанд 78 иргэн оролцов.
Уг хуулийн төслийн ажлын хэсгийг МУ-ын Ерөнхийлөгчийн Хуулийн Бодлогын асуудал хариуцсан зөвлөх Г.Ганзориг ахалж, гишүүдэд Авилгатай тэмцэх газрын дэд дарга Д.Сундуйсүрэн, Цагдаагийн академийн зөвлөх багш, шинжлэх ухааны доктор профессор С.Жанцан, Ж.Болдбаатар. ЕТГ-ын албаны дарга, доктор, профессор Л.Батжав нарын бүрэлдэхүүнтэйгээр ажиллав.
“Авилгалын эсрэг НҮБ-ын конвенц”-д Эрүүгийн хууль”-ийг нийцүүлэх, авлигын гэмт хэргээс урьдчилан сэргийлэх, таслан зогсоох, энэ төрлийн гэмт хэрэгтэй хийх тэмцлийг эрчимжүүлэх зорилгоор тус хуулийн төслийг боловсруулж иргэд олон нийтээс санал авлаа. Захидлаар 14, цахим шуудангаар 5, цахим хэлэлцүүлгээр 2 санал ирсэнээс, хуралдаанд 32 иргэн саналаа хэллээ.
