Монгол Улсын Ерөнхийлөгч Цахиагийн Элбэгдорж ажил үйлсээрээ тэргүүлсэн залуу эмч нарт нэрэмжит шагналаа хүртээв.
Энэ удаагийн Монгол Улсын Ерөнхийлөгчийн нэрэмжит шагналыг залуу эмч Э.Амарсанаа, Н.Баатаржан, Э.Ундрах-Эрдэнэ нар хүртлээ.
Ерөнхийлөгчийн нэрэмжит шагналын эздийг танилцуулж байна.
Шилдэг залуу эмч Энхтөрийн Амарсанаа
Хавдар судлалын үндэсний төвийн эмэгтэйчүүдийн мэс заслын эмч, анагаах ухааны доктор Э.Амарсанаа нь мэс заслын эмчилгээнд орчин цагийн шинэ аргыг амжилттай нэвтрүүлж, хорт хавдрын эрт илрүүлэлт, эрсдэлт хүчин зүйлийг бууруулахад мэргэжлийн өндөр ур чадвар гарган идэвх зүтгэлтэй ажиллаж байгааг үнэлж Монгол Улсын Ерөнхийлөгч нэрэмжит шагналаа хүртээв.
Шилдэг залуу эмч Нотагийн Баатаржан
П.Н.Шастины нэрэмжит клиникийн төв эмнэлгийн рентген тасгийн их эмч Н.Баатаржан нь хүн амд эрүүл мэндийн тусламж үйлчилгээг мэргэжлийн өндөр төвшинд үзүүлж, идэвх зүтгэлтэй, үр бүтээлтэй ажиллаж байгааг нь үнэлж Монгол Улсын Ерөнхийлөгч нэрэмжит шагналаа хүртээв.
.
Шилдэг залуу эмч Эрдэнэболдын Ундрах-Эрдэнэ
Улсын клиникийн төв эмнэлгийн радиологийн их эмч Э.Ундрах-Эрдэнэ нь эмчилгээ оношлогооны шинэ технологийг нэвтрүүлэхэд бүтээлч хувь нэмэр оруулж, нийгмийн эрүүл мэндийн боловсрол, эмчилгээ үйлчилгээний чанарыг сайжруулахад идэвх санаачлагатай ажиллаж, өөрийн орны төдийгүй олон улсын мэргэжилтнүүдээс өндөр үнэлэлт авч байгааг нь үнэлэн Монгол Улсын Ерөнхийлөгч нэрэмжит шагналаа хүртээв.
