Өнөөдөр Бүгд Найрамдах Турк Улс, Бүгд Найрамдах Казахстан Улсуудаас Монгол Улсад суух Элчин сайдууд Монгол Улсын Ерөнхийлөгчид бараалхан “Азид хамтын ажиллагаа, итгэлцлийг бэхжүүлэх 3 дугаар зөвлөлгөө”-нд оролцох урилгыг өргөн барив.
Одоогийн байдлаар 20 орчим гишүүнтэй тус зөвлөлгөөн нь ази тивийн аюулгүй байдал, хамтын ажиллагаа, итгэлцэл, байгаль хамгаалал, терроризмын эсрэг хамтын үйл ажиллагаа зэрэг өнөөгийн амин чухал глобал асуудлуудыг ярьж хэлэлцэх, шийдвэр гаргах зорилго бүхий олон талт яриа хэлэлцээний механизм байгууллага юм.
