Эхлээд Монгол Улсын Ерөнхийлөгч нэрт судлаач Ч.Эрдэнийг хүлээн авч уулзав. Тэрээр сүүлийн 20 гаруй жилийн турш хоёр томоохон судалгаа хийж ирсэн бөгөөд “Их гурвалжин” номоороо олонд алдаршсан нэгэн. Тэрээр сүүлийн 12 жилийн турш онолын физикийн судалгаа хийж байгаа бөгөөд анх 1923 онд Альберт Эйнштейны үзэл санааг нь дэвшүүлж байсан “Ертөнцийн бүрэн төгс онол”-ын тухай бүтээл туурвисан байна. Судлаач Ч.Эрдэнэ энэ судалгаагаа тун удахгүй “Principae Mathematica” нэртэй мянга гаруй хуудастай ном болгон хэвлүүлэх гэж буйгаа Ерөнхийлөгчид танилцуулсан юм. Ч.Эрдэнэ нь энэхүү бүтээлээ “The Physical revive” сэтгүүлд бүртгүүлсэн бөгөөд “Супернэгдлийн онол”-ыг өөрийн судалгааныхаа үр дүнд бүрэн дүүрэн нээж чадсан гэж үзэж буй юм.
Түүний судалгааны талаар Монгол Улсын Ерөнхийлөгч хэлэхдээ, “Таны судалгааны үр дүнд бид анхаарлаа хандуулж байгаа, цаашид энэхүү судалгааг олон улсын түвшинд танилцуулахад хамтран ажиллахад бэлэн байгаа” гэдгээ илэрхийллээ.
