Монгол Улсын Ерөнхийлөгчийн Тамгын газрын дарга Д.Дорлигжавын урилгаар АНУ-ын Техас муж улсын шүүхийн шүүгч, профессор Жой Спүрлок, “Toback & Аssociates” хуулийн фирмийн хуульч, Фрэнк Хофмэн,Паул Билив нар Монгол Улсад 2010 оны 4 дүгээр сарын 30-нд хүрэлцэн ирээд байна.
Тэд “Шүүхийн тухай хуульд нэмэлт, өөрчлөлт оруулах тухай”, “Шүүхийн ерөнхий зөвлөлийн тухай”, “Шүүгчийн эрх зүйн байдлын тухай”, “Шүүхийн хамтын нийгэмлэгийн тухай”, “Төрийн албан дахь ашиг сонирхлын зөрчлөөс урьдчилан сэргийлэх тухай”, “Эрүүгийн хуульд нэмэлт, өөрчлөлт оруулах тухай” зэрэг хуулийн төсөл боловсруулах ажлын хэсгийнхэнтэй уулзаж санал солилцлоо.
Мөн эдгээр зочид өчигдөр Монгол Улсын Ерөнхийлөгч Ц.Элбэгдоржид бараалхаж, шүүхийн шинэтгэлийг гүнзгийрүүлэх асуудлаар санал солилцсон байна.
