Монгол Улсын Ерөнхийлөгчийн дэргэдэх Хөгжлийн эдийн засаг, хөдөлмөр эрхлэлтийн бодлогын зөвлөлийн ээлжит хуралдаан болов
Монгол Улсын Ерөнхийлөгчийн дэргэдэх Хөгжлийн эдийн засаг, хөдөлмөр эрхлэлтийн бодлогын зөвлөлийн ээлжит хуралдаан 2010 оны 05 дугаар сарын 14-ний өдрийн 14.30-16.50 цагт Үндэсний статистикийн хорооны хурлын танхимд болсон бөгөөд тус хуралдаанаар дараахь асуудлуудыг хэлэлцэв.
1. Хувиараа хөдөлмөр эрхлэлтийн судалгаа /ҮСХ-ны газрын дарга Б.Бадамцэцэг/
2. “Бичил бизнес-2010” социологийн судалгаа /ҮХХ-ийн эрдэмтэн, нарийн бичгийн дарга Л.Цэдэндамба/
3. “Бичил бизнесийг дэмжих тухай” хуулийн төслийн хэлэлцүүлэг /ЕТГ-ын референт Д.Жавхлан/
Хуралдаанд идэвхитэй оролцож, үнэтэй санал зөвлөмж өгсөн “Хас” банкны гүйцэтгэх захирал М.Болд, ШУА-ийн дэд ерөнхийлөгч Т.Дорж, “Хөгжлийн шийдэл” ТББ-ын гүйцэтгэх захирал Б.Сэржмаа, “К&Т” ХХК-ийн захирал Ц.Эрдэнэбаяр болон хурлыг үр дүнтэй зохион байгуулсан ҮСХ-ны Тэргүүн дэд дарга Г.Гэрэлт-Од нарт гүн талархал илэрхийлье.
САЛБАР ЗӨВЛӨЛИЙН
НАРИЙН БИЧГИЙН ДАРГА Д.ЖАВХЛАН
