Энэ бол UBS телевизээр 2 дахь жилдээ зохион байгуулагдаж байгаа “Universe Best Songs” уралдаант, цэнгээнт нэвтрүүлгийн уриа юм.
Үзэгчдийн талархлыг хүлээж, монголын хүүхэд залуучуудын үзэх дуртай нэвтрүүлгийн нэг болоод байгаа уг цэнгээнт нэвтрүүлгийн 2009 оны шилдэг 25 оролцогч, мөн энэ жилийн шилдэг 25 оролцогчид Монгол Улсын Ерөнхийлөгч Ц.Элбэгдоржийг урьж, чөлөөтэй ярилцлага өрнүүллээ.
Эх орны хөгжилд залуучуудын оруулах хувь нэмэр, монгол хүний үнэ цэнэ, монгол залуу хүний эрхэмлэх зүйлсийн хүрээнд сонирхсон сэдвээрээ залуучууд Ерөнхийлөгчид асуулт тавьж ярилцлаа.
Өнгөрсөн жил “Ногоон дэлхийгээ аварья” уриа дэвшүүлсэн ““Universe Best Songs”-ийн оролцогчдын хувьд эх дэлхийгээ аврах, дэлхийн дулаарлын сөрөг нөлөөллийг бууруулах, байгаль орчноо хамгаалахад хувь нэмрээ оруулах нь бас нэгэн чухал зорилго байдаг. Тиймээс тэмцээний шилдэг оролцогч авъяаслаг залуучууд байгал дэлхийгээ хайрлах талаар мөн Ерөнхийлөгчтэй санал солилцлоо.
Монгол хүн бол монголын хамгийн үнэт баялаг болох тухай Ерөнхийлөгч өөрийнхөө үзэл бодлыг мөн дэлгэрэнгүй тайлбарласан.
Хүүхэд, гэр бүл, авъяас чадварыг хөгжүүлэх, хэл сурах, өөрийгөө дайчлах тухай сэдэв ч мөн энэ ярилцлагын сонирхолтой хэсэг нь байлаа.
Чөлөөтэй, илэн далангүй, энгийн өрнөсөн энэ уулзалтын төгсгөлд Ерөнхийлөгч Ц.Элбэгдорж , нэвтрүүлгийн хамгийн анхаарал татсан оролцогчдын нэг болох авъяаслаг хүү Ц.Өнөдэлгэрт Ерөнхийлөгч өөрийн үзгээ дурсгал болгон бэлэглэв.
