Итали улсын Ром хотноо Хууль зүйн сайд нарын олон улсын 5-р хурал
5 сарын 17
Тус хурлыг Сант Ежидо коммунити зохион байгуулж байна. Хурлын үйл ажиллагааг Италийн парламентын дарга ноён Gianfranco Fini, Ром хотын дарга ноён Gianni Alemanno нар нээн үг хэллээ. Ром хотын дарга Ром хотноо байдаг эртний Колоссей бол хүнийг боолчлон дорд үзэж хөнөөж байсан түүхийн гэрч бөгөөд одоо бол бидэнд хүний үнэ цэнэ, жам ёсны эрхийн эсрэг аливаа үйлдлийг таслан зогсоохыг сануулсан гашуун сургамж болон оршиж байдаг гэдгийг онцлон хэллээ.
Хурлыг даргалсан Сантэ Эжидогийн ерөнхийлөгч ноён Marco Impagliazzo Монгол улсыг 2010 он гарсанаар анхны цаазаар авах ялыг түдгэлзүүлсэн орон гэдгийг онцлон дурдаж баяр хүргэсэн.
Монгол улсын Ерөнхийлөгчийн мэндчилгээг хурлын нээлтийн үйл ажиллагаан дээр Ерөнхийлөгчийн Хүний эрх, Иргэний оролцооны бодлогын зөвлөх Ч. Сосормаа уншиж танилцууллаа. Хуралд 34 орны Хууль зүйн яамны сайд нар, хүний эрхийн комисс, ерөнхий прокурор, дээд шүүхийн дарга болон төрийн төлөөлөгч нар оролцож байна.
5 сарын 18
Азийн ардчилалын нэг үнэт зүйл бол хүнийг хүн ёсоор үнэлж төрөөс егүүтгэхгүй байх явдал юм. Цаазаар авах ялыг халах санаа Европоос эхэлж түүнийг Ази тивд хэрэгжүүлж байгаа гэж үзэж болохгүй. Азийн соёл, хүнийг энэрэн нигүүлсэх ёсноос үүдэлтэй цаазаар авах ялыг эсэргүүцэгчид урьд өмнө ч байсан одоо ч байсаар байна. Тиймээс цаазаар авах ялыг халах асуудлыг Азийн орнуудын өөрсдийн соёл, ёс заншилтай холбон авч үзэх хэрэгтэй гэсэн дүгнэлтэд хүрлээ.
Цаазаар авах ялыг халахад олон улсын дэмжлэг туслалцаа маш их чухал ба үүнд Сант Ежидо коммунити туслах бололцоотойгоо илэрхийлсэн. Азийн орнуудыг 11 сарын 30 хүртэл хамтдаа ажиллахыг уриалсан. Жил бүрийн 11 сарын 30 нд “Амьдралын төлөө хот” уриатай цаазаар авах ялын эсрэг хөдөлгөөн явагддаг. Түүхийн хувьд 1786 оны энэ өдөр Европын жижиг хотод анх удаа цаазаар авах ялыг халсан аж. Өнөөгийн байдлаар дэлхийн 100 гаруй орон энэ хөдөлгөөнд нэгдээд байгаа ба түүний дотор 55 нийслэл хот багтсан байна.
Сант Ежидогоос энэ оны 11 сарын 30 Улаанбаатарыг “амьдралын төлөө” хотын хөдөлгөөн нэгдсэн үйл ажиллагаа зохион байгуулах саналыг гаргасан. Монголд олон нийтийг гэгээрүүлэх сургалт семинарыг зохион байгуулья. Улс төрчид, сэтгүүлчид, оюутан залуучууд, ТББ зэрэг бүлгүүдийг хамарч олон нийтийн үзэл хандлагыг өөрчлөхөд хамтдаа хувь нэмрээ оруулж ажиллая гэж Сант Ежидогийн Азийн асуудал хариусан захирал Доктор Валериа Мартано дэмжиж хэлсэн.
Тухайлбал ойрын хугацаанд Узбекстаны хуульч, цаазаар авах ялын эсрэг тэмцэгч Тамара Чугиноваг Монголд урьж ажиллуулах тухай ярилцлаа. Тэрээр өмнө Монголд амьдарч байсан ба Монголд цаазаар авах ялыг халах асуудлаар очиж ажиллах хүсэлтээ илэрхийлж байсан юм байна.
