Монгол Улсын Ерөнхийлөгч Ц.Элбэгдорж зарлиг гарган, олон хүүхэд төрүүлж, өсгөн хүмүүжүүлсэн зарим эхчүүдийг “Алдарт эх” одонгоор шагналаа.
Баянзүрх дүүргийн 11-р хорооны иргэн Дэлэгийн Балням, Баянзүрх дүүргийн 22-р хорооны иргэн Баавгайн Сарантуяа, Налайх дүүргийн 1-р хорооны иргэн Мянганы Янжмаа, Сонгинохайрхан дүүргийн 7-р хорооны иргэн Бамбын Гүндсамбуу, Сонгинохайрхан дүүргийн 21-р хорооны иргэн Сандагийн Доржпалам, Сонгинохайрхан дүүргийн 16-р хорооны иргэн Жандалын Мэнд-Амгалан, Хан-Уул дүүргийн 14-р хорооны иргэн Шаарийбуугийн Нацаг нарыг “Алдарт эх”-ийн 1-р одонгоор шагнав.
Мөн Ерөнхийлөгчийн зарлигаар, Олон Улсын хүүхдийн эрхийг хамгаалах өдрийг тохиолдуулан эх, нялхас болон амьдралын нөхцөл хүнд, бүтэн өнчин, сонсгол, хөгжлийн бэрхшээлтэй хүүхдүүдийн боловсрол эрүүл мэндийн төлөө олон жил үр бүтээлтэй ажиллаж байгаа нэр бүхий хүмүүсийг Монгол Улсын одон медалиар шагнасан юм.
СҮХБААТАРЫН ОДОНГООР Хүүхэд асран хүмүүжүүлэх төвийн захирал Жамъяншаравын Дүгэр, ХӨДӨЛМӨРИЙН ГАВЪЯАНЫ УЛААН ТУГИЙН ОДОНГООР Сонсголын бэрхшээлтэй хүүхдийн тусгай сургуулийн багш Д.Долгорсүрэн, Хүүхэд асран хүмүүжүүлэх төвийн цэцэрлэгийн багш Т.Наранцэцэг, ЭНЭШТ-ийн эмэгтэйчүүдийн зөвлөх эмч Д.Сүхээ, Хүүхэд асран хүмүүжүүлэх төвийн багш Ц.Тунгалаг, АЛТАН ГАДАС ОДОНГООР Хүүхэд асран хүмүүжүүлэх төвийн нярав Л.Гүнсэн, ЭНЭШТ-ийн эх барих эмэгтэйчүүдийн клиникийн дутуу төрөлт хүлээн авах тасгийн эрхлэгч, эх барих эмэгтэйчүүдийн эмч Н. Дашзэвэг, Сонсголын бэрхшээлтэй хүүхдийн тусгай сургуулийн бага ангийн багш Д.Угтахбаяр,” Ачит эх” эмнэлэгийн ерөнхий эмч С.Цэрэнгүндэгмаа, Нийслэлийн III амаржих газрын эмч Цоодолын Чимгээ , Хүүхэд асран хүмүүжүүлэх төвийн багш Г.Чулуунцэцэг , ХӨДӨЛМӨРИЙН ХҮНДЭТ МЕДАЛИАР Хүүхэд асран хүмүүжүүлэх төвийн сувилагч Н.Наранцэцэг, Сонсголын бэрхшээлтэй хүүхдийн тусгай сургуулийн багш Ё.Оюундарь, Хүүхэд асран хүмүүжүүлэх төвийн нярав Х.Цэцгээ, Нэн ядуу өрхийн хүүхдийн боловсролд туслах Мянганы боловсрол төв ТББ-ын багш Н.Цогзолмаа, Сонсголын бэрхшээлтэй хүүхдийн тусгай сургуулийн багш Б.Эрдэнэчимэг Хромосомын өөрчлөлттэй хүүхдүүдэд туслах сан ТББ-ын гүйцэтгэх захирал Ч.Эрдэнэчулуун Нийслэлийн II амаржих газрын нярайн сувилагч Н.Энхтуяа нар тус тус шагнагдлаа.
Ерөнхийлөгч Ц.Элбэгдорж Төрийн шагнал хүртэгсдэд хандаж хэлэхдээ “Хүүхэд хэмээх бурхдын төлөө ажилладаг эмч багш та нарын хүнд хэцүү хэрнээ гэгээлэг сайхан үйлсийг Төр үнэлж байна. Хүүхдийн сайн сайхны төлөө ажиллах нь хамгийн том буян.Та нарын дунд хүнд хэцүү нөхцөл дэх хүүхдүүд, хөгжлийн бэрхшээлтэй хүүхдүүдэд бүхнээ зориулсан эмч, багш нар байна. Хүнд нөхцөлд байгаа хүүхдүүдэд анхаарах нь төрийн үүрэг. Тэднийг бусдын адил сурч боловсорч амьдралд хөлөө олоход туслах нь хүн бүрийн үүрэг юм. Хүн бүр хүүхдийн төлөө сэтгэл тавьж ажиллавал Монголын нийгэм сайхан болно гэдэгт би итгэдэг” гэлээ.
Өнчин ядуу, хөгжлийн бэрхшээлтэй хүүхдүүдийн төлөө ажиллаж байгаа хүмүүст Төр анхаарлаа хандуулж байгаад баяртай байна хэмээн Хүүхэд асран хүмүүжүүлэх төвийн захирал Ж.Дүгэр талархлаа илэрхийллээ.
