Монгол Улсын Ерөнхийлөгч Ц.Элбэгдорж Азид хамтын ажиллагаа, итгэлцлийг бэхжүүлэх зөвөлгөөн(АХАИБЗ)-д оролцохоор 6 дугаар сарын 7-9-ний өдрүүдэд Бүгд найрамдах Турк Улсын Истанбул хотноо айлчлах гэж байна.
АХАИБЗ нь Ази тивийн аюулгүй байдал, хамтын ажиллагаа, итгэлцэл, байгаль хамгаалал, терроризмтай тэмцэх гэх мэт тус тивийн өнөөгийн амин чухал асуудлууддыг ярьж хэлэлцэх, шийдвэр гаргах зорилго бүхий байгууллага юм.
2010-2012 оны хооронд манай улс АХАИБЗ-гийн үйл ажиллагааны 5 үндсэн чиглэлийн нэг болох “Байгаль экологийн хүрээнд итгэлцлийг бэхжүүлэх арга хэмжээг хэрэгжүүлэх үйл ажиллагааны хөтөлбөр”ийн үндсэн зохицуулагчаар ажиллахаар болж байна.
Ерөнхийлөгч Ц.Элбэгдорж Шанхайн хамтын ажиллагааны байгууллагын төрийн тэргүүн нарын Зөвлөлийн ээлжит уулзалтад оролцоно
Монгол Улсын Ерөнхийлөгч Ц.Элбэгдорж Шанхайн хамтын ажиллагааны байгууллагын төрийн тэргүүн нарын Зөвлөлийн ээлжит уулзалтад оролцохоор 6 сарын 10наас 11ний хооронд Бүгд Найрамдах Узбекстан Улсын Ташкент хотод айлчлах гэж байна.
ШХАБ-ын үйл ажиллагаа нь аюулгүй байдал, худалдаа, эдийн засаг, бизнес болон хүмүүнлэгийн зэрэг олон салбарыг хамарч байна. Манай Улс 2004 онд тус байгууллагын ажиглагчийн статустай анхны орон болсон билээ.
ШХАБ-ын хүрээнд Монгол Улс эдийн засаг, эрчим хүч, дэд бүтэц, дамжин өнгөрөх тээврийг нэмэгдүүлэх зэрэг чиглэлийн хамтын ажиллагаанд илүү ач холбогдол өгч байгаа юм.
