Шүүхийн Ерөнхий зөвлөлөөс шүүхийн тухай хуулийн 32 дугаар зүйлийн 32.4, 32.6 дахь хэсэгт заасныг үндэслэн, Хасбаатарын Ганболдыг Дорноговь аймаг дахь сум дундын 1 дүгээр шүүхийн шүүгч, Ерөнхий шүүгчийн, Сүхбаатарын Ганчимэгийг Дорнод аймаг дахь сум дундын шүүхийн Ерөнхий шүүгчийн албан тушаалд улируулан томилуулах,
Шүүхийн тухай хуулийн 31 дүгээр зүйлийн 31.1 дэх хэсэгт заасныг үндэслэн Бодьгэрэлийн Бямбасүрэнг Дархан-Уул аймгийн шүүхийн шүүгчийн, Баярмөнхийн Энхтүвшинг Завхан аймаг дахь сум дундын 1 дүгээр шүүхийн шүүгчийн албан тушаалд тус тус томилуулах мөн Шүүхийн тухай хуулийн 58 дугаар зүйлийн 58.1.1 дэх хэсэгт заасныг үндэслэн өөрөө хүсэлт гаргасан тул Доржийн Тайванхүүг Ховд аймгийн шүүхийн Ерөнхий шүүгчийн албан тушаалаас, Батдэлгэрийн Батцэнгэлийг Сүхбаатар аймгийн шүүхийн шүүгчийн албан тушаалаас тус тус чөлөөлүүлэх саналыг Монгол Улсын Ерөнхийлөгчид өргөн мэдүүлсэн байна.
