Монгол Улсын Ерөнхийлөгчийн мэндчилгээг гардууллаа
Монгол Улсын Ерөнхийлөгч бодлого, үйл ажиллагааны хөтөлбөртөө “Иргэд, орон нутгаас гарч байгаа бүтээлч санал, санаачилгыг ажил хэрэг болгох зорилгоор бизнесийн бойжуулах төвүүдийг байгуулахад чиглэсэн төсөл, хөтөлбөрийг дэмжин санаачилж ажиллана” хэмээн тусгасан билээ.
Өнгөрөгч 10-р сард Монгол Улсын Ерөнхийлөгчийн ивээл дор Завхан аймагт “Бизнес инкубацийн төв”-ийг байгуулсан бөгөөд, энэхүү төв нь бичил бизнес эрхлэх зөвлөгөө өгч, иргэдэд бизнес эрхлэх чадавхи эзэмшүүлэх, санхүүгийн туслалцаа үзүүлэх зорилготой юм. Олон улсын жишгээр ажиллах энэ төвийг байгуулахад Завхан аймгийн Засаг даргын Тамгын газар, Санхүү, эдийн засгийн дээд сургууль, ХААН банк, “Дэлхийн зөн” Олон улсын байгууллага, Германы техник хамтын ажиллагааны нийгэмлэгийн хамт олон дэмжлэг үзүүлж хамтран ажиллаж байгаа юм.
Бизнес эрхлэх чадавхийг нэмэгдүүлэх талаар иргэдийн дунд олон удаагийн сургалт зохион байгуулж, монгол хүний хөгжлийг дэмжихэд өөрсдийн оюун ухаан, хүч хөдөлмөрөө зориулж байгаа эдгээр байгууллага, хамт олонд Монгол Улсын Ерөнхийлөгч талархлын мэндчилгээ хүргэснийг, Ерөнхийлөгчийн Тамгын газрын дарга Д.Баттулга, Ерөнхийлөгчийн хот, хөдөөгийн хөгжлийн бодлогын зөвлөх Л.Эрхэмбаяр нар гардуулан өглөө.
Ерөнхийлөгчийн Тамгын газар
Монгол Улсын Ерөнхийлөгчийн мэндчилгээг гардууллаа
