Түрүүлсэн их насны морины уяачийнд зочлов
Монгол Улсын Ерөнхийлөгч Ц.Элбэгдорж өнөөдөр соёолон насны морьдын уралдаан үзэж сонирхсныхоо дараа , их насны уралдаанд түрүүлсэн морины уяач н.Балдандоржийнд зочлов.
Барианы газраас морь унан ирж уяан дээр буусан Ерөнхийлөгчийг, тод магнай болж, торгон жолоогоо өргүүлсэн хонгор морины эзэн , Говь-Алтай аймгийн харъяат, “Мандал-Алтай- группын захирал н.Балдандорж болон түүний нутгийнхан хүндэтгэн угтсан юм.
Нар хур тэгширсэн дэлгэр сайхан цаг таарч ,морины уралдаан зохион байгуулалт сайтай болж, наадамчин олны сэтгэл тэнэгэр, наадам бүхэлдээ сайхан болж байгаа тухай уяачид хөөрөлдөж байлаа.
Улсын их баяр наадамдаа түрүүлсэн хонгор морь өнгөрсөн жил улсын баяраар 11-т, мөн Баянхонгор аймгийн наадамд 11-т тус тус давхиж байжээ. Хонгор морийг 7 настай Б.Ганцоож унаж хурдлуулжээ.
Ерөнхийлөгч хонгор морины уяач эзэн, унасан хүүхдэд олон олон жил улсын баяр наадамдаа шандаст хурдан хүлгүүдээ сойж, торгон жолоогоо өргүүлж, наадамчин олноо баясгаж явахыг ерөөв.
Түрүүлсэн их насны морины уяачийнд зочлов
