Монгол Улсын Ерөнхийлөгчийн дэргэд байгуулагдаж буй Эдийн засгийн өсөлт, бодит секторын бодлогын дэд зөвлөлийн тэргүүлэгчид 2010 оны 07 дугаар сарын 06-ны өдөр хуралдав.
Уг дэд зөвлөлийн тэргүүлэгчдийн бүрэлдэхүүнд Улсын Их хурлын гишүүн Ц.Баярсайхан, Ерөнхий сайд асан Д.Бямбасүрэн, УБ хотын дэд дарга Да.Ганболд, Үндэсний Статистикийн хорооны дэд дарга Г.Гэрэлт-Од, МУИС-ийн эдийн засгийн сургуулийн захирал Ц.Даваадорж, ШУА-ын академич Т.Дорж, Статистикийн төв газрын газрын дарга асан Д.Чимэддагва, Үндэсний хөгжил, шинэтгэлийн хорооны дарга Ч.Хашчулуун нар орж байгаа ба дэд зөвлөлийн тэргүүлэгч бөгөөд хариуцлагатай нарийн бичгийн даргаар МУИС-ын тэнхимийн эрхлэгч Б.Батмөнх ажиллах юм.
Эдийн засгийн өсөлт, бодит секторын бодлогын дэд зөвлөлийн тэргүүлэгчид уг зөвлөлийн анхны хуралдаанаа 2010 оны 09 дүгээр сарын 14-ны өдөр хийх, анхны хуралдааныг Да.Ганболдоор удирдуулахаар тогтов.
2010 оны 09 дүгээр сарын 14-ны өдөр болох хуралдаанд:
Үндсэн илтгэл:
• Эдийн засгийн өсөлт, бодит секторын 2010 оны эхний хагас жилийн гүйцэтгэл, цаашдын чиг хандлага
o Үндэсний статистикийн хороо
Хавсралт илтгэл:
• Хүн ам, хөдөлмөр эрхлэлт, ажилгүйдэл, хөдөлмөрийн бүтээмжийн 2010 оны эхны хагас жилийн гүйцэтгэл, цаашдын чиг хандлага
o Үндэсний статистикийн хороо
• Хөрөнгийн зах зээлийн 2010 оны эхний хагас жилийн тойм, цаашдын чиг хандлага
o Монголын хөрөнгийн бирж
Сэдэвчилсэн илтгэл:
• Салбар хоорондын баланс, анхаарах зүйлс
o Ерөнхий сайд асан Д.Бямбасүрэн
• Салбар хоорондын баланс судлагааны тайлан, мэдээлэл
o Үндэсний статистикийн хороо
сэдвүүдээр илтгэлүүд хэлэлцүүлэгдэнэ.
