Монгол Улсын Ерөнхийлөгчийн дэргэд байгуулагдаж буй Мөнгөний бодлогын дэд зөвлөлийн тэргүүлэгчид 2010 оны 07 дугаар сарын 07-ны өдөр хуралдав.
Уг дэд зөвлөлийн тэргүүлэгчдийн бүрэлдэхүүнд УИХ-ын гишүүн Р.Амаржаргал, Монголбанкны тэргүүн дэд Ерөнхийлөгч Б.Жавхлан, Гавъяат эдийн засагч Г.Пүрэвбаатар, Монголбанкны Ерөнхийлөгч асан, Монголбанкны хяналтын зөвлөлийн гишүүн Ж.Үнэнбат, Монголбанкны Ерөнхийлөгч асан, УИХ-ын гишүүн О.Чулуунбат нар орж байна.
Мөнгөний бодлогын дэд зөвлөлийн тэргүүлэгчид уг зөвлөлийн анхны хуралдаанаа 2010 оны 09 дүгээр сарын 15-ны өдөр хийх, анхны хуралдааныг Р.Амаржаргалаар удирдуулахаар тогтов.
2010 оны 09 дүгээр сарын 15-ны өдөр болох хуралдаанд:
Үндсэн илтгэл:
• Мөнгөний тойм, статистикийн 2010 оны эхний хагас жилийн гүйцэтгэл, цаашдын чиг хандлага, банкны салбарын төлөв байдал
o Монголбанк
Хавсралт илтгэл:
• Засгийн газрын бондын арилжааны мэдээлэл, Засгийн газрын харилцах дансны үлдэгдлийн 2010 оны эхний хагас жилийн тайлан
• 2010 оны эхний хагас жилийн төсвийн урсгал болон нийт тэнцэл, алдагдлыг санхүүжүүлэх эх үүсвэрийн мэдээлэл
• Төсвийн байгууллагын ажиллагсдын цалин, Тэтгэвэр тэтгэмж, халамжийн сангийн 2010 оны эхний хагас жилийн гүйцэтгэл
o Сангийн яам
• Банк бус санхүүгийн байгууллагуудын 2010 оны эхний хагас жилийн мэдээлэл
o Санхүүгийн зохицуулах хороо
• Үнийн индекс, инфляцийн 2010 оны эхний хагас жилийн байдал, цаашдын чиг хандлага
o Үндэсний статистикийн хороо
• Өрхийн орлого, зарлагын 2010 оны эхний хагас жилийн судалгааны танилцуулга
o Үндэсний статистикийн хороо
Сэдэвчилсэн илтгэл:
• Монгол Улс дахь инфляцийн хүчин зүйл, өдөөгчийн асуудал
сэдвүүдээр илтгэлүүд хэлэлцүүлэгдэнэ.
