Монгол Улсын Ерөнхийлөгчийн дэргэд байгуулагдаж буй Төлбөрийн тэнцэл, валютын бодлогын дэд зөвлөлийн тэргүүлэгчид 2010 оны 07 дугаар сарын 15-ны өдөр хуралдав.
Уг дэд зөвлөлийн тэргүүлэгчдийн бүрэлдэхүүнд УИХ-ын гишүүн Я.Батсуурь, Хас банкны гүйцэтгэх захирал М.Болд, УИХ-ын даргын зөвлөх Д.Даваасамбуу, Монголбанкны дэд Ерөнхийлөгч Н.Золжаргал, Сангийн яамны Төрийн нарийн бичгийн дарга асан Д.Махвал, Дэлхийн банкны эдийн засагч Н.Мөнхнасан нар орж байгаа ба дэд зөвлөлийн тэргүүлэгч бөгөөд хариуцлагатай нарийн бичгийн даргаар судлаач Б.Баярсайхан ажиллах юм.
Төлбөрийн тэнцэл, валютын бодлогын дэд зөвлөлийн тэргүүлэгчид уг зөвлөлийн анхны хуралдаанаа 2010 оны 09 дүгээр сарын 13-ны өдөр хийх, анхны хуралдааныг Д.Даваасамбуу удирдуулахаар тогтов.
2010 оны 09 дүгээр сарын 13-ны өдөр болох хуралдаанд:
Үндсэн илтгэл:
• Дэлхийн орнууд, түүний дотор манай улсын худалдааны гол түнш орнуудын эдийн засаг, худалдааны төлөв байдал
o Дэлхийнбанк
Хавсралт илтгэл:
• Монгол Улсын төлбөрийн тэнцэл, ханшны 2010 оны эхний хагас жилийн гүйцэтгэл, цаашдын чиг хандлагын талаархи мэдээлэл
o Монголбанк
• Засгийн газрын гадаад зээлийн ашиглалт, өр төлбөр, өрийн үйлчилгээний 2010 оны эхний хагас жилийн гүйцэтгэлийн талаархи мэдээлэл
o Сангийн яам
• Монгол Улсын гадаад худалдааны 2010 оны эхний хагас жилийн гүйцэтгэл
o Гаалийн Ерөнхий газар
• Гадаадын хөрөнгө оруулалтын 2010 оны эхний хагас жилийн гүйцэтгэлийн талаархи мэдээлэл
o Гадаадын хөрөнгө оруулалтын агентлаг
Сэдэвчилсэн илтгэл:
• Төлбөрийн тэнцлийг дэмжих арга хэрэгслүүд, SWAP гэрээний талаар мэдээлэл хийх
o Монголбанк
сэдвүүдээр илтгэлүүд хэлэлцүүлэгдэнэ.
