Монгол Улсын Ерөнхийлөгчийн дэргэд байгуулагдаж буй Төсвийн бодлогын дэд зөвлөлийн тэргүүлэгчид 2010 оны 07 дугаар сарын 16-ны өдөр хуралдав.
Уг дэд зөвлөлийн тэргүүлэгчдийн бүрэлдэхүүнд Сангийн сайд асан А.Базархүү, СЭЗДС-ийн захирал Д.Батжаргал, УИХ-ын гишүүн Лу.Гантөмөр, УИХ-ын гишүүн, Төсвийн байнгын хорооны дарга Ц.Даваасүрэн, Гавъяат эдийн засагч Н.Дашзэвэг, Сангийн дэд сайд Т.Очирхүү, Сангийн сайд асан, УИХ-ын гишүүн Ч.Улаан, Ерөнхий сайдын зөвлөх Н.Энхбаяр нар орж байгаа ба дэд зөвлөлийн тэргүүлэгч бөгөөд хариуцлагатай нарийн бичгийн даргаар Гавъяат эдийн засагч Л.Шарав ажиллах юм.
Төсвийн бодлогын дэд зөвлөлийн тэргүүлэгчид уг зөвлөлийн анхны хуралдаанаа 2010 оны 09 дүгээр сарын 16-ны өдөр хийх, анхны хуралдааныг Н.Энхбаяр удирдуулахаар тогтов.
2010 оны 09 дүгээр сарын 16-ны өдөр болох хуралдаанд:
Үндсэн илтгэл:
• Монгол Улсын 2010 оны эхний хагас жилийн төсвийн гүйцэтгэл, цаашдын чиг хандлага
o Сангийн яам
Хавсралт илтгэл:
• Гадаад худалдааны гаалийн 2010 оны эхний хагас жилийн гүйцэтгэлийн мэдээлэл, цаашдын чиг хандлага
o Гаалийн Ерөнхий газар
• Улсын болон орон нутгийн татварын 2010 оны эхний хагас жилийн гүйцэтгэл, цаашдын чиг хандлага
o Үндэсний Татварын Ерөнхий газар
Сэдэвчилсэн илтгэл:
• Төр, хувийн хэвшлийн хамтын ажиллагаа /РРР/
сэдвүүдээр илтгэлүүд хэлэлцүүлэгдэнэ.
