Монгол Улсын Ерөнхийлөгчийн Тамгын газрын дарга Д.Баттулга Дэлхийн банкны суурин төлөөлөгч Аршад Саеидтай 2010 оны 7 дугаар сарын 16-ны өдөр уулзав.

Ноён Аршад Саеид Монгол Улсад 4 жил идэвхитэй, үр бүтээлтэй ажиллаад буцах гэж байгааг Тамгын газрын дарга онцлоод Ерөнхийлөгчийн дэргэд Санхүү, эдийн засгийн бодлогын салбар зөвлөл байгуулахад дэмжлэг үзүүлэх, шүүхийн шинэтгэлийн хөтөлбөрт дэлхийн банктай хамтарч судалгааны багууд, мэргэжилтэн гадаадаас урьж ирүүлэх мөн Тамгын газрын чадавхийг дээшлүүлэх асуудлуудаар харилцан санал солилцов.

Аршад Саеид Дэлхийн банкны зүгээс дээрх асуудлуудад анхаарал хандуулахаа амлаад төр хувийн хэвшлийн хамтын ажиллагааны /РРР/ асуудалд анхаарал хандуулахыг хүссэн. Хэдийгээр хууль нь гарсан ч дагалдан гарах дүрэм, журам нь гараагүй эрх зүйн орчин нь дутмаг байгаа энэ үед яаран нарийн тооцоо судалгаагүй томоохон төсөл, хөтөлбөрүүд энэ зарчимаар шийдэгдэх нь ихээхэн хортой байж болохыг анхаарч үзэхийг хүслээ.