Ерөнхийлөгчийн теле хичээл уламжлал болно
Ерөнхийлөгч шинэ хичээлийн жил эхэлж байгаатай холбогдуулан “Монголын бахархал” сэдвээр хичээл заах болсныг Монголын үндэсний олон нийтийн телевизэд сэтгүүлчдэд зориулан өнөөдөр хийсэн хэвлэлийн бага хурал дээр Ерөнхийлөгчийн зөвлөх Р.Болд, тус телевизийн захирал Ц.Оюундарь, БСШУЯ-ны Ерөнхий боловсролын газрын дарга Д.Эрдэнэчимэг нар мэдээлэв.
Өнгөрсөн жил “Дэлхийн дулаарал, Монгол Улс” сэдвээр Ерөнхийлөгч теле хичээл заасан. Нэгд үүнийг уламжлал болгоё, хоёрт хүүхэд залуучуудад танин мэдэхүйн ач холбогдолтой хэмээн үзэж байна. Өнөө жил “Монголын бахархал” сэдвээр теле хичээл заана. Хичээлийг орон даяар шууд нэвтрүүлж, Монгол Улсын хот хөдөөгийн бүх сургуулийн сурагч үзэх боломж олгоно гэж тэд ярилаа.
Ерөнхийлөгчийн теле хичээл уламжлал болно