Монгол Улсын Ерөнхийлөгч Ц.Элбэгдорж Олон улсын хүүхдийн эрхийг хамгаалах өдрийг тохиолдуулан зарлиг гаргаж олон хүүхэд төрүүлж, өсгөн хүмүүжүүлсэн ээжүүдийг "Алдарт эх" нэг, хоёрдугаар одонгоор шагнав. Тэдний төлөөлөл болох эхчүүдэд Монгол Улсын Ерөнхийлөгчийн Тамгын газрын дарга П.Цагаан өнөөдөр Төрийн ордонд "Алдарт эх" нэг, хоёрдугаар одон гардууллаа.
"Алдарт эх" хоёрдугаар одонгоор Хан-Уул дүүргийн 11 дүгээр хорооны иргэн Тогоогийн Анхтуяа, Баянгол дүүргийн 1 дүгээр хорооны иргэн Дашдаваагийн Ариунтуяа, Баянзүрх дүүргийн 4 дүгээр хорооны иргэн Найманжингийн Ариунтуяа, Баянзүрх дүүргийн 1 дүгээр хорооны иргэн Ганбатын Батчимэг, Баянзүрх дүүргийн 14 дүгээр хорооны иргэн Гомбо-Очирын Баярмаа, Хан-Уул дүүргийн 11 дүгээр хорооны иргэн Эрдэнэчимэгийн Баярмаа, Баянгол дүүргийн 3 дугаар хорооны иргэн Цэдэндамбын Болормаа, Баянзүрх дүүргийн 1 дүгээр хорооны иргэн Балжиннямын Болормаа, Хан-Уул дүүргийн 4 дүгээр хорооны иргэн Бадамгаравын Бэрцэцэг, Баянзүрх дүүргийн 18 дугаар хорооны иргэн Ууганбаярын Даваажанцан, Баянгол дүүргийн 5 дугаар хорооны иргэн Дөрвөлжингийн Золжаргал, Хан-Уул дүүргийн 15 дугаар хорооны иргэн Сайнболдын Золзаяа, Хан-Уул дүүргийн 1 дүгээр хорооны иргэн Сандуйжавын Нандинбилэг, Баянгол дүүргийн 5 дугаар хорооны иргэн Чулуунбаатарын Одгэрэл, Баянгол дүүргийн 8 дугаар хорооны иргэн Даваасамбуугийн Отгон, Хан-Уул дүүргийн 15 дугаар хорооны иргэн Болдпүрэвийн Оюунбилэг, Чингэлтэй дүүргийн 6 дугаар хорооны иргэн Насанбатын Оюунгэрэл, Төв аймгийн Борнуур сумын иргэн Цэндхүүгийн Оюунжаргал, Баянзүрх дүүргийн 26 дугаар хорооны иргэн Чинбаатарын Оюухай, Баянгол дүүргийн 5 дугаар хорооны иргэн Сүрэнгийн Сарантуяа, Баянзүрх дүүргийн 6 дугаар хорооны иргэн Сүх-Эрдэнийн Уянга, Баянзүрх дүүргийн 3 дугаар хорооны иргэн Наран-Очирын Цэнд-Аюуш, Баянзүрх дүүргийн 16 дугаар хорооны иргэн Хутагийн Чанцал, Сүхбаатар дүүргийн 10 дугаар хорооны иргэн Галсанбаярын Энхчимэг, Сонгинохайрхан дүүргийн 31 дүгээр хорооны иргэн Батдоржийн Бадамханд, Хан-Уул дүүргийн 15 дугаар хорооны иргэн Дамбадаржаагийн Даваалхам, Төв аймгийн Баянцогт сумын иргэн Батмөнхийн Долгорсүрэн, Баянзүрх дүүргийн 15 дугаар хорооны иргэн Сэрээнэнхоролын Дэлгэрэх, Баянзүрх дүүргийн 14 дүгээр хорооны иргэн Тунгалагийн Мөнгөнцэцэг, Баянгол дүүргийн 6 дугаар хорооны иргэн Даваадашийн Намхайноров, Хан-Уул дүүргийн 1 дүгээр хорооны иргэн Товуугийн Отгонбаяр, Сүхбаатар дүүргийн 1 дүгээр хорооны иргэн Очирбатын Отгонжаргал, Баянзүрх дүүргийн 25 дугаар хорооны иргэн Юурайн Саруул, Баянгол дүүргийн 6 дугаар хорооны иргэн Дэмчигсүрэнгийн Солонго, Хан-Уул дүүргийн 5 дугаар хорооны иргэн Ням-Осорын Сувдаа, Баянзүрх дүүргийн 15 дугаар хорооны иргэн Доржготовын Сумхүү, Чингэлтэй дүүргийн 4 дүгээр хорооны иргэн Чойжилсүрэнгийн Түмэнжаргал, Баянзүрх дүүргийн 18 дугаар хорооны иргэн Жамбалын Уранчимэг, Сонгинохайрхан дүүргийн12 дугаар хорооны иргэн Андрайн Уранчимэг, Баянзүрх дүүргийн 18 дугаар хорооны иргэн Батсайханы Ууганбилэг, Сонгинохайрхан дүүргийн 1 дүгээр хорооны иргэн Адъяасүрэнгийн Уянга, Хан-Уул дүүргийн 15 дугаар хорооны иргэн Дамдиндоржийн Хажидмаа, Хан-Уул дүүргийн 3 дугаар хорооны иргэн Луулайн Хосбаяр, Хан-Уул дүүргийн 2 дугаар хорооны иргэн Туулын Хулан, Хан-Уул дүүргийн 11 дүгээр хорооны иргэн Сүрэнжавын Цацралтуяа, Баянзүрх дүүргийн 18 дугаар хорооны иргэн Алтанбаганын Цэрэндолгор, Хан-Уул дүүргийн 15 дугаар хорооны иргэн Нарангэрэлийн Эрдэнэцэцэг нарыг тус тус шагнасныг гардуулан өгөв.
Монгол Улсын Ерөнхийлөгчийн Тамгын газрын дарга П.Цагаан "Алдарт эх" одон гардуулж хэлсэн үгэндээ “Алдарт эх” одонгоор шагнуулсан та бүхэнд Монгол Улсын Ерөнхийлөгчийн нэрийн өмнөөс болон хувиасаа чин сэтгэлийн халуун баяр хүргэж, эрүүл энх, аз жаргал, сайн сайхан бүхнийг хүсэн ерөөе.
Монголын орчин үеийн утга зохиолыг үндэслэгч Д.Нацагдорж “Монголын үрс маш олон болтугай” гэж ерөөж захисан байдаг. Сүүлийн жилүүдэд "Алдарт эх" одонгийн болзлыг зөөлрүүлж, олгодог урамшууллыг нэмэгдүүлж, эх үрсийн эрүүл мэндийг хамгаалах чиглэлд хөрөнгө оруулалт хийж байна. Өнгөрсөн 2015 оны нэгдүгээр сарын 28-нд Монгол Улс 3 сая дахь иргэнээ хүлээн авснаа дэлхий даяар тунхаглаж байсан.
Хүүхэд төрүүлж өсгөнө гэдэг бол бурхнаас өгсөн хамгийн буянтай, ариун сайхан үйлс юм. Та бүхэн үр хүүхдүүдээ эрүүл чийрэг, эх оронч, ажилч хичээнгүй, эх орондоо хайртай сайн иргэн болгон хүмүүжүүлэхийг хүсэн ерөөе.
Та нар, та бүхний гэр бүл, найз нөхдөд давхар баяр хүргэе. Монголын үрс маш олон болох болтугай. Баярлалаа” гэлээ.