Монгол-Японы найрамдлыг бэхжүүлэхэд үнэтэй хувь нэмэр оруулсан зарим япон иргэдийг шагналаа
Монгол Улсын Ерөнхийлөгч зарлиг гарган зарим япон иргэдийг төрийн одон медалиар шагналаа.
Монгол, Японы найрамдалт харилцаа, боловсрол, соёл шинжлэх ухааны салбарын хамтын ажиллагааг өргөжүүлэн хөгжүүлэхэд дорвитой хувь нэмэр оруулсан Япон Улсын Чибагийн их сургуулийн профессор Като Шимпэй, хүндэт профессор Фүжимото Микико, Япон-Монголын соёлын харилцааны нийгэмлэгийн ерөнхийлөгч Харүо Хасүми нарыг Алтан гадас одонгоор, Олон улсын их сургуулийн эдийн засгийн ухааны тэнхимийн дэд профессор Сүмио Күрибаяаши, Япон-Монголын найрамдлын нийгэмлэгийн тэргүүлэгч гишүүн, Ерөнхий нарийн бичгийн дарга Хисаши Иноүэ, Япон Улсын сэтгэцийн холбооны дэд ерөнхийлөгч Тарио Канно, Монголын нүүдэлчдэд зориулсан бага ангийн сургууль барих холбооны тэргүүн Коши Ояма нарын бусад хүмүүсийг “Найрамдал” медалиар тус тус шагнав.
Чибагийн их сургуулийн хүндэт профессор Като Шимпэй “Ямар ч хөрөнгө мөнгө, эрх мэдлээр хэмжигдэхгүй энэ найрамдлыг энгийн жирийн хүмүүсийн сэтгэл зүрх илүү бат бэх болгож байдаг юм” гэлээ.
Монголын төрийн өндөр шагнал хүртсэн энэ хүмүүст хоёр орны харилцаанд үнэтэй хувь нэмэр оруулж байдагт нь Ерөнхийлөгч талархал илэрхийлэв.
Монгол-Японы найрамдлыг бэхжүүлэхэд үнэтэй хувь нэмэр оруулсан зарим япон иргэдийг шагналаа