Д.Баттулга, Нгуен Ван Жиен нар хамтран ажиллах баримт бичигт гарын үсэг зурав
Бүгд Найрамдах Социалист Вьетнам Улсад албан ёсны айлчлал хийж буй Монгол Улсын Ерөнхийлөгчийн Тамгын газрын дарга Д.Баттулга тус улсын Ерөнхийлөгчийн Тамгын газрын дарга Нгүен Ван Жиентэй хэлэлцээ хийж, хоёр улсын Ерөнхийлөгчийн Тамгын газар хооронд ажлын шууд хэлхээ холбоо тогтоох, сонирхсон аливаа асуудлаар зөвлөлдөх, мэдээлэл солилцох, харилцан төлөөлөгчид илгээх, хурал семинар зохион байгуулах, боловсон хүчин сургах зэрэг олон асуудлаар ярилцав.
Төгсгөлд нь Тамгын газар хооронд хамтран ажиллах баримт бичигт гарын үсэг зурлаа. Монгол Улсын Ерөнхийлөгчийн Тамгын газрын дарга Д.Баттулга БНСВУ –ын Ерөнхийлөгч Нгүен Минь Чиетэд бараалхаж, Монгол Улсын Ерөнхийлөгч Ц.Элбэгдоржийн мэндчилгээг уламжлав. Хоёр талын яриа хэлэлцээ бүхий л түвшинд амжилттай өрнөж, ялангуяа Ерөнхийлөгчийн Тамгын газрын хооронд ажлын шууд хэлхээ холбоо тогтоосонд баяртай байгаагаа БНСВУ-ын Ерөнхийлөгч илэрхийлжээ.
Ерөнхийлөгчийн Тамгын газрын дарга Д.Баттулгыг БНСВУ–ын Үндэсний Батлан хамгаалахын дэд сайд Нгүен Ван Зыөг хүлээн авч уулзан, хоёр улсын батлан хамгаалах салбар болон Үндэсний Аюулгүй байдлын Зөвлөл хооронд хамтран ажиллах асуудлаар санал солилцов.
Д.Баттулга, Нгуен Ван Жиен нар хамтран ажиллах баримт бичигт гарын үсэг зурав