Монгол Улсын Ерөнхийлөгч Ц.Элбэгдорж зүүн аймгуудад ажиллахаар мордлоо
Монгол Улсын Ерөнхийлөгч Ц.Элбэгдорж Дорнод, Сүхбаатар, Хэнтий аймагт ажиллахаар өнөөдөр мордлоо.
Ажиллах хугацаандаа Дорнодын аймгийн шүүх, “Хэрлэн номин” худалдааны төвийн үйл ажиллагаа, улсын төсвөөр баригдаж буй барилгын ажилтай танилцаж, Халх гол суманд загвар аж ахуй байгуулах төслийн гэрээнд гарын үсэг зурах ёслолд оролцохын сацуу иргэдтэй уулзана. Сүхбаатар аймагт “Тэмүүлэл” цогцолбор сургууль, авто тээврийн газар, худалдааны төвийн үйл ажиллагаатай танилцаж, Баруун-Урт хот, Мөнххаан суманд иргэдтэй уулзалт хийн, зам зуураа малчин айлаар орж хаваржилтын байдалтай танилцана. Хэнтий аймагт “Буянт оргил булаг” хоршоо, “Хаан түшиг” үйлдвэрийн ажиллагаатай танилцаж, иргэдтэй уулзана. Буцах замдаа “Багануур” ХК-ийн үйл ажиллагаатай танилцаж, иргэдтэй уулзана.
Ерөнхийлөгчийг УИХ-ын гишүүн П.Алтангэрэл, Д.Одбаяр, Р.Буд, Б.Бат-Эрдэнэ, Н.Ганбямба, Хүнс, хөдөө аж ахуй, хөнгөн үйлдвэрийн сайд Т.Бадамжунай, Ерөнхийлөгчийн зөвлөх Л.Эрхэмбаяр, Р.Болд, Ерөнхийлөгчийн Тамгын газрын дэд дарга Б.Нэргүй албаны бусад хүн дагалдан явж байна.
Монгол Улсын Ерөнхийлөгч Ц.Элбэгдорж зүүн аймгуудад ажиллахаар мордлоо