Монгол Улсын Ерөнхийлөгч Ц.Элбэгдорж АНУ-ын Ерөнхийлөгч Б.Обамагийн урилгаар 2011 оны 6 дугаар сарын 14 – 17-ны өдрүүдэд АНУ-д албан ёсны айлчлал хийнэ.
Монгол Улсын Ерөнхийлөгч Ц.Элбэдорж АНУ-ын Ерөнхийлөгч Б.Обама, Төрийн нарийн бичгийн дарга Х.Клинтон, Конгрессын Төлөөлөгчдийн танхимын спикер Ж.Бэйнэр нартай тус тус уулзаж, Монгол Улс, АНУ-ын харилцаа, хамтын ажиллагааг бэхжүүлж, иж бүрэн түншлэлийг хөгжүүлэх, харилцааны өнөөгийн түвшин, хэтийн төлөвийн талаар санал солилцох юм.
Энэхүү айлчлалын зорилго нь хоёр талын дээд хэмжээний улс төрийн яриа хэлэлцээний давтамжийг хадгалах, харилцаа, хамтын ажиллагааг өргөтгөн гүнзгийрүүлэхэд чухал ач холбогдолтой болно.
ГАДААД ХАРИЛЦААНЫ ЯАМ