АНУ-д албан ёсны айлчлал хийж буй Монгол Улсын Ерөнхийлөгч Ц.Элбэгдорж 2011 оны 6 дугаар сарын 16-ны өглөө АНУ-ын Сенатын гадаад бодлогын байнгын хороонд зочиллоо. Уг хорооны гишүүд болох Сенатор Жон Керри, Мич Макконнелл, Ричард Лугар, Лиз Муркавски, Жин Вэб нарын санаачилгаар Монгол Улсын Ерөнхийлөгч Ц.Элбэгдорж АНУ-д айлчилж байгааг тохиолдуулан түүний Монгол Улсаа хөгжүүлэх, үлгэрлэн манлайлах, ардчилал хүний эрхийг хамгаалах болон монгол, америкийн харилцааг хөгжүүлэн бэхжүүлэхэд оруулсан хувь нэмрийг нь үнэлэн АНУ –ын Сенатаас 208 тоот тогтоол баталсан болохыг зарлав.
Ийнхүү анх удаа Монгол Улсын иргэнд зориулан АНУ-ын Сенат тогтоол баталж буй ажээ.
Дашрамд дурдахад, 1994 онд Ц.Элбэгдоржид зориулан “Ардчиллын алтан хараацайн өдөр”-ийг АНУ-ын өмнөд Дакотта мужид тэмдэглэж байсан юм.
АНУ-ын Сенатын 208 тоот тогтоолыг бүрэн эхээр нь хүргэж байна.