Хүнс, хөдөө аж ахуй, хөнгөн үйлдвэрийн яамнаас “Хаврын ногоон өдрүүд”-ийг зохион байгуулж, өнөөдөр төв цэнгэлдэх хүрээлэнд нээлтийн арга хэмжээгээ хийлээ. Уг арга хэмжээнд Монгол Улсын Ерөнхий сайд С.Батболд, УИХ-ын зарим гишүүд, ХХААХҮ-ийн сайд Т.Бадамжунай, Ерөнхийлөгчийн хот, хөдөөгийн хөгжлийн бодлогын зөвлөх Л.Эрхэмбаяр, Улаанбаатар хотын захирагч бөгөөд нийслэлийн Засаг дарга Г.Мөнхбаяр нар болон гадаадын зарим элчин сайд оролцов.
Монгол Улсын Ерөнхийлөгч, түүний Тамгын газар тариаланч, ногоочдынхоо хавар, зун, намрын нөр их хөдөлмөрийн үр дүнг илтгэдэг жил жилийн “Намрын ногоон өдрүүд”-ийн арга хэмжээг дэмжиж байдаг юм. Өнөө жилийн “Намрын ногоон өдрүүд” өмнөх жилүүдийнхээс онцлог болж байна. Нэгд, энэ өдрүүдийн үзэсгэлэн худалдаа өргөжиж, зөвхөн ургацын дээжээр хязгаарлагдсангүй. Энд жижиг дунд үйлдвэрлэл эрхлэгчдийн бүтээгдэхүүн өнгө алаглан ярайжээ. Өөрөөр хэлбэл үндэсний үйлдвэрлэгчдээ бүгдийг нь төр засгаас дэмжиж байгаа юм. Хоёрт, сүүлийн хорин жилд аваагүй арвин ургацтай жилийн “Ногоон өдрүүд” гэдгээрээ ялгарч байв. Монголын шилмэл омгийн малын үзэсгэлэн худалдааг бас шинээр зохион байгуулсан байна.
“Ногоон өдрүүд”-ийн арга хэмжээг өнөөдөр нээлтээ хийж буй “Алтан намар” хөгжмийн наадам ч улам хөгжөөн оролцогчдыг баясгалаа.