Улсын Дуурь Бүжгийн Эрдмийн Театр 2009 оны 10 дугаар сарын 16-нд өвлийн улирлынхаа нээлтийг хийлээ. Францын алдарт зохиолч Виктор Хюгогийн 1831 онд бичсэн “Парисын Дарь-Эхийн сүм” хэмээх зохиолоор сэдэвлэж туурвисан мюзиклийг тус театрынхан амилуулж үзэгч олондоо “нээлтийн бэлэг”-ээ барьжээ.
Нээлтийн арга хэмжээнд Монгол Улсын Ерөнхийлөгч Ц.Элбэгдорж, Тэргүүн хатагтай Х.Болормаагийн хамтаар оролцож Монголд анх удаа мюзикль хэлбэрээр тавигдаж буй алдарт жүжгийг үзэж сонирхсон юм.
Мөн тоглолтын дараа Ерөнхийлөгч тус мюзикль жүжгийг найруулан тавьсан болон оролцон тоглосон үе үеийн шилдэг жүжигчидтэй уулзан баяр хүргэж Монголын сонгодог ургалагийг дэмжиж ажиллахаа илэрхийлсэн юм.