Чингис хааны одонг эзэн богд Чингис хааны мэндэлсэн өдөр гардуулахаар хэлэлцэж байна
“Чингис хаан” одон бий болгох тухай Улсын Их Хурлын 2002 оны 21 дүгээр тогтоолд өөрчлөлт оруулах тухай төслийг Монгол Улсын Ерөнхийлөгчийн санаачлагаар боловсруулсан билээ. Үүнийг Ерөнхийлөгчийн Хуулийн бодлогын зөвлөх Ч.Өнөрбаяр Улсын Их Хурлын гишүүдэд танилцуулж, улмаар Улсын Их Хурлын намрын чуулганаар хэлэлцэхээр боллоо.
Энэхүү одонг Монгол Улсын тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёсны түүх, соёлынхоо уламжлалыг гүнзгий судалж, хойч үедээ өвлүүлэх, дэлхийн бусад оронд сурталчлан таниулах үйлсэд хувь нэмрээ оруулсан, онцгой гавьяа байгуулсан иргэнд эзэн богд Чингис хааны төрсөн буюу Монгол бахархлын өдрөөр ёслол хүндэтгэлтэйгээр хүртээж байхаар тусгажээ.
Чингис хааны одонг эзэн богд Чингис хааны мэндэлсэн өдөр гардуулахаар хэлэлцэж байна