Эрдэмтэн мэргэд, шашны төлөөлөллийг хүлээн авч уулзлаа. Монгол Улсын Ерөнхийлөгчийн Тамгын газрын дарга Д.Дорлигжав үндэсний эрх чөлөөний хөдөлгөөн, тусгаар тогтнолын түүхэн ойн өдрийг угтаж түүхчид, эрдэмтэн мэргэд, шашны зүтгэлтнүүдийн төлөөллийг төрийн ордонд хүлээн авч уулзаж, санал бодлоо солилцлоо.
1911 онд Манжийн дарангуйллаас салж үндэсний тусгаар тогтнолоо олсон явдлыг 1990 оноос хойш Үндэсний хувьсгал хэмээн нэрлэх болж 2007 оноос эхлэн 12 дугаар сарын 29-ний өдрийг “Үндэсний эрх чөлөөний өдөр” хэмээн тэмдэглэх болсон билээ.
2011 онд энэхүү түүхэн хувьсгалын 100 жилийн ой болох гэж байна. Уг ойг Монгол Улсын Ерөнхийлөгчийн зарлигаар төрийн зүгээс ёслол төгөлдөр тэмдэглэх, өргөн түмэн олны санал санаачлагаар олон ажлыг өрнүүлэх нь чухал хэмээн эрдэмтэд судлаачид саналаа хэллээ.