Зөвлөх үйлчилгээний талаарх зарлал
Монгол Улсын Ерөнхийлөгчийн Тамгын газар нь Монгол Улсын Ерөнхийлөгчийн цахим хуудас www.president.mn веб сайтыг шинэчлэх ажлыг хийж гүйцэтгүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй хуулийн этгээдийг мэдүүлгээ ирүүлэхийг урьж байна.
- Монгол Улсын Ерөнхийлөгчийн одоогийн цахим хуудас (http://www.president.mn) -ийн архив, дизайныг шинэчлэн боловсруулах цахим хуудаст оруулах болон хэрэглэгчийн шаардлагад нийцүүлэн хийх зөвлөх үйлчилгээ болно.
- Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох мэдээллийг (ижил төрлийн ажлын туршлага, ажиллах боловсон хүчний чадвар, туршлагын талаарх мэдээлэл, сүүлийн 3 жилийн санхүүгийн тайлан) ирүүлнэ. Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.
- Сонирхсон этгээд нэмэлт мэдээллийг 2014 оны 01 дүгээр сарын 30-ны өдрийн 10 цаг 00 минутаас өмнөавч болох бөгөөд мэдүүлгээ дор дурдсан хаягаар 2014 оны 01 дүгээр сарын 30-ны өдрийн 11 цаг 00 минутын дотор ирүүлнэ үү.
Монгол Улс, Улаанбаатар хот, Сүхбаатар дүүрэг, Төрийн ордон, Зүүн жигүүр, 3-р давхар, 364 тоот өрөө, Т.Дэлгэрдалай, Утас: 262168
Зөвлөх үйлчилгээний талаарх зарлал