Монгол Улсын Ерөнхийлөгч Ц.Элбэгдорж Бээжин хотод болох гэж буй АПЕК буюу Ази, Номхон далайн эдийн засгийн хамтын ажиллагааны байгууллагын дээд түвшний уулзалтад оролцохоор өнөөдөр Улаанбаатараас мордлоо. Монгол Улс АПЕК-ийн уулзалтад анх удаа Ерөнхийлөгчийн түвшинд, зочны хувиар оролцож байгаа юм. АПЕК-ийн энэ удаагийн хурлыг "Ирээдүйд хандсан Ази, Номхон далайн бүсийн түншлэлийн харилцааг хамтдаа байгуулъя" гэсэн гол сэдвийн дор зохион байгуулахаар болжээ.