НЭГ. Уралдааны зорилго
Одоо мөрдөгдөж байгаа шагналын тогтолцоог агуулга, хэлбэрийн хувьд боловсронгуй болгох зорилгоор энэхүү уралдааныг зарлаж байна.
ХОЁР. Төслийн болзол, уралдааны шалгуур
Энэхүү төсөлд хувь хүн, албан байгууллага ганцаарчлан буюу хамтран оролцох буюу төслийн материал нь дараахи шалгуурыг хангасан байна. Үүнд:
(1) Шагналын зорилго, агуулга нь шагналын ангилалтай нийцсэн байх,
(2) Нэр, загвар, өнгө дизайны шийдэл зохицсон байх,
(3) Шагналын дагалдах урамшууллын хэмжээг нарийн тооцож гаргасан байх.
ГУРАВ. Төсөл шалгаруулах хугацаа
Төслийн уралдааныг 2010 оны 3 дугаар сарын 26-ны өдрөөс эхлэн зарлах бөгөөд уралдаанд оролцогч нь 2010 оны 5 дугаар сарын 1-ний дотор төсөл шалгаруулах багт материалаа өөрийн биеэр буюу итгэмжлэгдсэн төлөөлөгчөөр дамжуулан хүргүүлнэ.
ДӨРӨВ. Шалгаруулах төслийг Ерөнхийлөгчид танилцуулах
Төсөл шалгаруулах ажлын хэсэг иргэдээс ирүүлсэн материалыг хүлээн авч Монгол Улсын Ерөнхийлөгчид танилцуулна.
ТАВ. Урамшуулал
Шалгарсан төслийн оюуны өмчийн гэрчилгээг болон түүнийг ашиглахтай холбогдсон бүхий л хууль ёсны эрх нь Монгол Улсын Төрийн мэдэлд байна. Төсөл нь шалгарсан оролцогчдод гэрчилгээ олгож, тэдний бүтээлийг иргэний санаачилга, нийгэмд оруулж буй хувь нэмэр гэж үзнэ.
ЗУРГАА. Төсөл хүлээн авах
Монгол Улсын Ерөнхийлөгчийн Тамгын газрын дэргэдэх төсөл шалгаруулах ажлын хэсэг төслийг хүлээн авах бөгөөд холбогдох мэдээллийг www.president.mn цахим хуудас болон 328003, 265003 тоот утаснаас авна уу.