Монголын хамгийн залуу багш гэгдэх “Ес эрдэм” бүрэн дунд сургуулийн захирал Э.Энхпүрэвийг Монгол Улсын Ерөнхийлөгч хүлээн авч уулзлаа. Өмнө нь Ерөнхийлөгч Ерөнхий сайдын алба хашиж байхдаа 2004 онд Э.Энхпүрэвтэй уулзаж байсан бөгөөд тухайн үед богино хугацааны эрчимжүүлсэн хөтөлбөрөөр хүүхэд залууст боловсрол олгох төсөл санаачилж байсан байна. Харин өнөөдөр уулзахдаа Э.Энхпүрэв өөрийн сургуулиараа 40 гаруй хүүхдэд бүрэн дунд боловсрол олгож 300 гаруй сурагчдын хичээлийн хоцрогдлыг арилгаж чаджээ. Өнгөрсөн жил Японы Эн Эйч Кэй сувгаас Э.Энхпүрэвийн сургалтын тухай 14 хоногийн хугацаанд ажиглалт хийж баримтат кино хийсэн бөгөөд Япон Улсын боловсролын яамнаас түүний сургалтын технологийг 5 жилийн турш ажиглаад хамтран ажиллах тухайгаа шийдэх талаар хариу өгсөн байна.
Э.Энхпүрэвийн ярьснаар хүн болгон өөр өөрийн онцлог, суралцах арга барилтай учраас уян хатан, хурдтай, үр дүнтэй боловсролын шинэ хөтөлбөр ашиглах хэрэгтэйг онцлож байлаа.
Ерөнхийлөгч, Э.Энхпүрэвийн хийж бүтээж буй ажилд нь амжилт хүсээд ийм залуугаараа олон сайн ажил санаачилан амжилттай яваад нь бахархаж байгаагаа хэлсэн юм