Эх орныхоо түүхийг эрхэмлэн дээдэлдэг, Их Монгол гүрний байлдан дагуулалтын улбаа болсон дэлхийн өнцөг булан бүрт тархан суурьшсан монголчуудынхаа өв соёл, амьдрал ахуйг танилцуулах зорилготой “Тархан суурьшсан монголчууд” ТББ-ын төлөөлөгчдийг Монгол Улсын Ерөнхийлөгч хүлээн авч уулзлаа.
Тус байгууллагаас Хятад дахь Монгол угсаатан болох Дунсианьчуудын тухай, Цастын Монголчуудын тухай, Шинжааны Ойрадуудын тухай, Турк дэх монголчуудын тухай, Иран дахь монголчуудын бүтээсэн түүхэн дурсгалын тухай зэрэг Монголчуудын байлдан дагуулалтын ул мөр шингэсэн өдгөө цагийн түүхэн дурсгалын талаар 15 ангит баримтат кино бүтээжээ.
Монгол Улсын Ерөнхийлөгч тэдний энэхүү эх түүхээ хайрласан, хүмүүст мэдлэг мэдээлэл өгсөн нэвтрүүлгийн ач холбогдлыг өндрөөр үнэлээд цаашид дэмжин ажиллахаа илэрхийллээ.