Ерөнхийлөгчийн зөвлөх Р.Болд, Ч.Сосормаа нар “Хүүхэд хамгааллын үндэсний сүлжээ”-ний төлөөлөл П.Цэвээн, н.Мөнхжаргал болон Хүний эрхий үндэсний комиссын гишүүн Ж.Дашдорж нарыг хүлээн авч уулзаж, санал бодлоо солилцлоо.
Уг уулзалтаар сүм хийдэд шавилан сууж байгаа насанд хүрээгүй хүүхдийн эрхийн тухай хөндөж ярилцав. Төрийн болон төрийн бус байгууллагын төлөөллийг оролцуулсан ажлын хэсгийг байгуулж, сүм хийдэд шавилан сууж байгаа насанд хүрээгүй иргэдийн нөхцөл байдлыг судлаж санал дүгнэлт гаргаж, холбогдох байгууллагад танилцуулахаар шийдвэрлэв.