НҮБ-ын Ерөнхий нарийн бичгийн дарга, ноён Бан Ки Мүүн Монгол Улсын Ерөнхийлөгчид мэндчилгээ ирүүлэв
Монгол Улсын Ерөнхийлөгч,
Эрхэмсэг ноён Цахиагийн Элбэгдорж Танаа
Үндэсний их баяр Наадмыг тань тохиолдуулан Танд болон Монгол Улсын төр засаг, Монголын ард түмэнд халуун баяр хүргэе.
Нэгдсэн Үндэстний Байгууллага нь дэлхийд тэргүүлэгч байгууллага билээ. Чухамдаа, дэлхий дахины шинж чанартай чухал асуудлуудын талаар, цаг агаарын өөрчлөлтөөс жендерийн тэгш байдал хүртэл, энхийг сахиулахаас, хүний эрх хүртэл, олон улсын ард түмнүүдийн хүсэл эрмэлзлийг нэгтгэн, шинэ шатанд гаргах зайлшгүй чухал шийдлийн гарцыг НҮБ санал болгож байдаг.
НҮБ-ын гишүүн орнуудын оролцоо энэ үйл явцад амин чухал үүрэгтэй билээ. Та бүхний дэмжлэгтэйгээр бид, бидний өмнө тулгарч байдаг бэрхшээлийг даван туулж, илүү хөгжил цэцэглэлттэй, эрх тэгш, тогтвортой дэлхийг хүн бүгдийн төлөө байгуулж чадна.
Ялангуяа, НҮБ-ын гишүүн орнуудын оролцоо, эрмэлзлэлийг нэгтгэн Мянганы хөгжлийн зорилтуудыг 2015 он гэхэд биелүүлэхэд гишүүн орнуудад би ихээхэн найдлага тавьж байна.
Мянганы хөгжлийн зорилтууд нь Нэгдсэн Үндэстний Байгууллагыг үр дүнтэй, мэдрэмжтэй байхыг шаардаж байгаа юм. Би хамгийн өндөр шалгуур тогтоож, үр дүн гаргахаар зорин ажиллаж байна. Нэгдсэн Үндэстний Байгууллага нь Монгол Улсын дэмжлэгт найдаж байгааг гэдгээ уламжилахад таатай байна.
Нэгдсэн Үндэстний Байгууллагын Ерөнхий нарийн бичгийн дарга Бан ки-мүүн
НҮБ-ын Ерөнхий нарийн бичгийн дарга, ноён Бан Ки Мүүн Монгол Улсын Ерөнхийлөгчид мэндчилгээ ирүүлэв