Монгол ус
Want create site? Find Free WordPress Themes and plugins.

“МОНГОЛ УС” САНААЧИЛГА

Уур амьсгалын өөрчлөлт, хуурайшилт зэрэг байгалийн хүчин зүйл, хүний үйл ажиллагааны нөлөөгөөр Монгол Улсын усны нөөц, чанар ихээхэн өөрчлөгдөж, хомстож байгааг судалгааны дүн харуулж байна. Монгол Улсын хэмжээнд сүүлийн 10 жилд нийт 500 гаруй гол, горхи, 1500 гаруй булаг, шанд, 400 гаруй нуур, тойром ширгэсэн нь манай улсыг дэлхийн хамгийн их хуурайшилттай орнуудын жагсаалтыг тэргүүлэхэд хүргэж, цаашилбал бид ирээдүйд цэвэр усны хомстолд орох төлөв ажиглагдаж байна.

Манай улсын усны нөөцийн ашиглалтыг харахад эдийн засгийн гол тулгуур хүчин зүйл болсон уул уурхай, хүнд үйлдвэрийн салбар болон нийт хүн амын 40 гаруй хувь нь оршин сууж буй Улаанбаатар хотын усны хэрэглээг хангах нь бидний өмнө тулгамдаж буй хүндхэн сорилт юм.

Уул уухайн салбарт одоогийн байдлаар хэрэгжиж буй болон ирээдүйд хэрэгжүүлэхээр төлөвлөж буй төслүүдийн байршлыг харахад ихэвчлэн монгол орны өмнөд хэсэгт буюу гадаргын усны эх үүсвэргүй, түүнийг бүрдүүлэх хангалттай хэмжээний хур тунадас унадаггүй говь цөлийн бүсэд оршиж байна. Цаашид бид уул уурхайн салбарын тогтвортой үйл ажиллагааг хангахад говийн бүсийн газрын доорх ус хангалтгүй тул газрын гадаргын усыг уул уурхай, үйлдвэрлэлд ашиглах нөхцөлийг бүрдүүлж, байгаль орчинд хамгийн бага нөлөөлөхүйц байдлаар усны өсөн нэмэгдэж буй хэрэгцээг хангах шаардлагатай тулгараад байна.

Цаашилбал Монгол Улсын нийт хүн амын 40 гаруй хувь нь оршин сууж байгаа Улаанбаатар хотын ундны усны гол эх үүсвэр болсон Туул голын усны чанарын асуудал бидний анхаарлаа хандуулах асуудлуудын нэг зайлшгүй мөн юм. Туул голын экологийн доройтлын шалтгаан нь Улаанбаатар хотын усны хэрэглээний өсөлт, голын хамгаалалтын бүс дэх газар олголт, арьс, ширний үйлдвэрээс гарч буй химийн бодис ихээр агуулсан бохир ус, голын эрэг орчмын хог хаягдал зэрэг бөгөөд эдгээр нь хүн болон аж ахуйн нэгжийн хариуцлагагүй үйлдлээс үүдэлтэй юм.

Иймд “Ногоон бүс” сангаас Монгол Улсын усны нөөцийн салбарт тулгамдаж буй дээрх асуудлуудыг шийдвэрлэхэд дэмжлэг үзүүлэх зорилгоор Монгол Ус” санаачилгыг дэвшүүлсэн бөгөөд бидэнтэй санаа зорилго нэгтэй хувь хүн, иргэний нийгэм, төр болон хувийн хэвшлийн байгууллагуудыг хамтран ажиллахыг урьж байна.

Санал хүсэлт

Did you find apk for android? You can find new Free Android Games and apps.