Монгол Улсын Ерөнхийлөгч Ц.Элбэгдоржийн нийслэлийн иргэдтэй жил бүр зохион байгуулдаг уламжлалт уулзалт 2011 оны дөрөвдүгээр сарын 30-нд төрийн ордонд болно. Энэ уулзалтад нийслэлийн 800 иргэн оролцохоор нэрээ өгөөд байна.
Уулзалттай холбогдуулан Ерөнхийлөгчийн Тамгын газар бэлтгэл ажлыг базааж оролцогчдыг бүртгэн, иргэдээс вэб сайтаар санал асуулга авч байна. Үүгээрээ иргэдийн санааг ямар асуудал зовоож, төр засгийн зүгээс юу хийгээсэй, ямар шийдвэр гаргаасай гэж хүсч буйг тодруулан, уулзалтыг үр дүнтэй болгоход анхаарч байна.
