Иранд байгаа Монголын түүхтэй холбоотой материалуудыг судалж, соёлын салбарт хамтран ажиллах сонирхолтойгоо илэрхийлэв
Монгол Улсын Ерөнхийлөгч Ц.Элбэгдоржид тус улсад суух Лалын Бүгд Найрамдах Иран Улсын Онц бөгөөд Бүрэн эрхт элчин сайд, ноён Махди Сафари итгэмжлэх жуух бичгээ өнөөдөр өргөн барив.
Ерөнхийлөгч Ц.Элбэгдорж түүнийг итгэмжлэх жуух бичиг өргөн барьсантай нь холбогдуулан хүлээн авч уулзлаа. Ерөнхийлөгч хоёр орон соёл, түүхийн өнө эртний ойр дотно холбоотойг дурдаад Монголын түүхэнд холбогдох ихээхэн материал Иранд байдаг тул тэдгээрийг судалж соёлын салбарт эхний ээлжинд хамтран ажиллах сонирхолтойгоо илэрхийлэв.
Элчин сайд Иран Улс Монгол Улстай соёл, эдийн засгийн хамтын ажиллагаа хөгжүүлэх хүсэлтэй байгаагаа хэллээ.
Элчин сайд Махди Сафари нь мэдээлэл харилцааны чиглэлээр докторын зэрэг хамгаалсан бөгөөд тэрээр Бушер мужийн дэд захирагч, Холбоо, мэдээллийн технологийн дэд сайд, Германд Ираны элчин сайдын орлогч, Авсрти, ОХУ-д элчин сайд, Ази, Номхон далайн асуудал хариуцсан дэд сайд, Европын орнуудын асуудал эрхэлсэн дэд сайдын ажлыг тус тус хийж иржээ. Махди Сафари англи, орос, герман хэлтэй, гэр бүлтэй.
1971 онд Монгол, Ирaны хооронд дипломaт хaрилцaa тогтоожээ.
Иранд байгаа Монголын түүхтэй холбоотой материалуудыг судалж, соёлын салбарт хамтран ажиллах сонирхолтойгоо илэрхийлэв
