Монгол Улсын Ерөнхийлөгчийн дэргэдэх “Иргэний танхим” -ын ажлын албанаас тус танхим нэг ой хүрсний баярыг тохиолдуулан үйл ажиллагааныхаа танилцуулгыг хэвлэн гаргалаа. Танилцуулгад “Иргэний танхим”ын зорилго, олон нийтийн эрх ашгийг хөндсөн аливаа асуудлаар шийдвэр гаргах, төрийн бодлого боловсруулах, хууль тогтоох явцад иргэд яагаад оролцох ёстой, улмаар иргэн төвтэй төрийн тогтолцоонд шилжихэд иргэдийн эрх, үүргийн тухай, нийгмийн хариуцлага, хяналт, ил тод , нээлттэй байдлыг хангахад иргэний оролцоо нь ямар үнэ цэнэтэй болох талаар дурьдаад байгуулагдсанаасаа хойшхи 1 жилийн хугацаанд хэлэлцэгдсэн нээлттэй хэлэлцүүлгийн жагсаалт, оролцсон иргэдийн тоо, гарсан саналын тоо иргэдийн саналыг хүлээж авах хаяг зэрэг мэдээллийг багтаасан байна.
Танилцуулгыг Ерөнхийлөгчийн Тамгын газрын www.president.mn иргэний танхимаас мэдээлж байна хэсэгт байрлууллаа. Иргэн та тус цахим хуудсанд зочилж хэрэгтэй мэдээллээ авна уу.
