Монгол Улсын Ерөнхийлөгч Ц.Элбэгдорж Ерөнхийлөгчийн тухай болон Шүүхийн тухай хуулийн холбогдох заалтыг үндэслэн зарим хүнийг Ерөнхий шүүгч, шүүгчээр томилсон зарлиг өнөөдөр гаргав.
Үүнд Оросоогийн Зандрааг Улсын дээд шүүхийн Захиргааны хэргийн танхимын тэргүүнээр, Базарсүрэнгийн Сарантуяаг Нийслэлийн шүүхийн Ерөнхий шүүгчийн, Сосорбурамын Соёмбо-Эрдэнийг Нийслэлийн Сүхбаатар дүүргийн шүүхийн шүүгч, Ерөнхий шүүгчийн, Алагаагийн Мөнхзулыг Төв аймаг дахь Сум дундын 2 дугаар шүүхийн Ерөнхий шүүгчийн, Цэдэвийн Сувдмааг Баянхонгор аймгийн захиргааны хэргийн шүүхийн шүүгчийн, Дамбадаржаагийн Хуланг Нийслэлийн Хан-Уул дүүргийн шүүхийн шүүгчийн албан тушаалд тус тус томиллоо.
Мөн Нийслэлийн прокурор Баттөмөрийн Бат-Оршихыг Монгол Улсын Шүүхийн сахилгын хорооны гишүүнээр баталж, Говь-Алтай аймгийн шүүгч, Ерөнхий шүүгчийн албан тушаалаас Амгалангийн Насандэлгэрийг өөрийнх нь хүсэлтээр чөлөөлөв.
