“Бичил бизнесийг дэмжих тухай” хуулийн төсөл
боловсруулах ажлын хэсгийн мэдээлэл
Монгол Улсын Ерөнхийлөгчийн санаачилсан “Бичил бизнесийг дэмжих тухай” хуулийн төсөл боловсруулах ажлын хэсгийг Ерөнхийлөгчийн Тамгын газрын даргын 2009 оны 12 дугаар сарын 02-ний өдрийн 49 дүгээр захирамжаар Ерөнхийлөгчийн Хөгжлийн эдийн засаг, хөдөлмөр эрхлэлтийн бодлогын зөвлөх Ч.Отгочулуугаар ахлуулан байгуулан, ажиллаж байна. Тус ажлын хэсэг нь дотроо 4 дэд ажлын хэсгүүдэд хуваагдан:
- Төрөөс баримтлах бодлого, чиглэл,
- Гадаадын хууль тогтоомжийн судалгаа, харьцуулалт,
- Дотоодын хууль тогтоомжийн хэрэгжилт,
- Социологийн судалгаа гэсэн чиглэлүүдээр ажилласан бөгөөд хуулийн төслийн үзэл баримтлал, хуулийн төслийн анхны хувилбарыг боловсруулаад байна.
Хуулийн төсөл боловсруулахад явцад төрийн болон төрийн бус байгууллагын төлөөлөл, иргэдтэй уулзаж, тэдний санал, хүсэлтийг хуулийн төсөлдөө тусгасан болно.
Цаашид авах арга хэмжээ:
- Ерөнхийлөгчийн Тамгын газрын Хууль зүйн албанд өгч хянуулах,
- 2010 оны 06 дугаар сард зохион байгуулагдах Бизнес инкубаторуудын холбооны хурал дээр танилцуулан, гадаадын мэргэжилтнүүдийн саналыг авах,
- ЕТГ-ын бодлогын зөвлөлийн хурал, Иргэний танхимаар хэлэлцүүлэх,
- Улмаар Засгийн газар болон бусад холбогдох байгууллагуудаас санал авах.
- - - о О о - - -
